笑一笑時報 (14)

出版人﹕我
編輯﹕都係我
記者﹕一樣係我

— 點解出嚟撐隻狼要戴口罩﹖心理專家估計係因為無面見人。

— 扔樽爆粗肥仔演技精湛﹐獲電影公司邀請飾演小紅衛兵。

— 香港市民注意﹐講粗口已被列入嚴重罪行﹐愛字頭成員可獲豁免。

— 講粗口都由重案組處理﹐香港不愧為全球最安全城市之一。

— 講粗口都由重案組處理﹐市民亂拋垃圾小心被飛虎隊擊殺。

笑一笑時報﹐逢星期六出版﹐如無意外的話......

原文發表於2013年8月17日

笑一笑時報 (13)

出版人﹕我
編輯﹕都係我
記者﹕一樣係我

— 什麼是政治活動﹖警方說是就是﹐警方說不是就不是﹐最重要係﹐警方可以同時說是和不是。(咦﹐呢位市民﹐好似唔多同意噃﹐人嚟﹐拿下﹐而家懷疑你搶槍。)

— 熱烈恭賀香港家長聯會成功爭取幾千人站出來支持林老師﹗請其他合法或不合法社團繼續努力喚醒沈默的人﹗

— 白頭佬號召十萬人聯署反對佔領中環﹐目的係想曲線證明有至少六百九十萬人支持佔領。

— 傳理系新課題﹕色情電影截圖能否用作新聞照片﹖

笑一笑時報﹐逢星期六出版﹐如無意外的話......

原文發表於2013年8月10日

笑一笑時報 (12)

出版人﹕我
編輯﹕都係我
記者﹕一樣係我

— 淋糞清白(?)﹐廉署惹嫌。

— 淋糞辭職﹐今後打算放多點時間在自己真正的興趣 — 炒樓。

— 文革式批鬥在香港出現﹐嚇怕唔少在港大陸投資者。

— 警方請求愛字頭社團﹐下次有所行動﹐表面上俾番幾分薄面﹐唔好對警察又打又鬧又叫食屎﹐多謝配合﹐幸甚﹐幸甚。

笑一笑時報﹐逢星期六出版﹐如無意外的話......

原文發表於2013年8月3日

笑一笑時報 (11)

出版人﹕我
編輯﹕都係我
記者﹕一樣係我

— 有雞助估值三百億以上﹐KFC考慮套餐加價至一千億。

— 謬波囤地﹐眼光準繩﹐商業觸覺一流﹐足證擔任發展局長一職勝任有餘。

— 自己個仔當然係自己個老婆的家人﹐但自己老婆的家人未必係自己個仔﹐自己老婆的家人可以係別人個仔﹐別人個仔可能係自己阿爺的家人﹐自己個女或者係別人的叔公的外孫的老婆﹐唉﹐好複雜﹐總之﹐結論係﹕謬波無隱瞞什麼﹐誠信無問題﹐當然毋須落台﹐你班友咪X咁多事﹗

— 廢人新標準﹕年過40﹐無物業。(侯某人話嘅﹗唔順呀﹖攞啲地掟死你﹗)

原文發表於2013年7月27日

笑一笑時報 (10)

出版人﹕我
編輯﹕都係我
記者﹕一樣係我

— 立法會﹐地點一流﹐海景無敵﹐歡迎包場舉行各式「統戰」派對。

— 有涼粉話財爺係大罪人﹐主要罪名係財爺唔肯成為涼粉。

— 日本腦炎殺到﹐有維園阿伯呼籲同胞少吃日本拉麵。

— 維園阿伯補充﹐日本成人電影是不會傳染日本腦炎的﹐各位同胞請放一百二十萬個心。

原文發表於2013年7月20日

笑一笑時報 (9)

出版人﹕我
編輯﹕都係我
記者﹕一樣係我

— 淨心BB到中聯辦請願﹐中聯辦拒絕接見。(件事本身好好笑﹐毋須再加油添醬。)

— 話過N屆都唔會參選特首嘅特首話會喺適當時候展開政改咨詢﹐並強調佢記憶中無講過無政改咨詢﹐不過咨詢與不咨詢之間存在一個好迷離的四次元空間﹐只要全體地球人和外星人對普選都有共識﹐咨詢就會......(記者聽到暈低﹐記不了之後的說話﹐見諒)

— 一蘭香港開張﹐有食客投訴輪候時間太短﹐只幾個小時﹐未能過足癮。

原文發表於2013年7月13日

笑一笑時報 (8)

出版人﹕我
編輯﹕都係我
記者﹕一樣係我

— 警方更正﹐七一遊行人數並非6.6萬﹐而係......一個人都無。

— 至於七一當日由中還至天后的人龍﹐警方估計佢哋係想去巨蛋show睇明星﹐不過行錯路。

— 人力專家稱今年開始香港發展得最快的產業係維穩﹐預期五年內取代物流﹐成為香港經濟四大支柱之一。

— 人力專家籲香港人抓緊機遇﹐即使唔能夠成為明星做維穩show﹐撈個五毛做吓是一點不難的。

原文發表於2013年7月6日

笑一笑時報 (7)

出版人﹕我

編輯﹕都係我

記者﹕一樣係我

— 小明考試肥佬﹐要留級﹐佢話唔會自滿。

— 如果愛講力真的號召到一萬人「守護中環」﹐根據某些邏輯﹐即係香港至少有六百九十九萬人不支持「守護中環」。

— 馬仔總統明確表示不會用戰機逼降登仔乘搭之客機﹐因為用導彈擊落比較直接。阿門。

原文發表於2013年6月29日

笑一笑時報 (6)

出版人﹕我
編輯﹕都係我
記者﹕一樣係我

— 比亞迪充電器爆炸﹐估計與境外敵對勢力有關。

— 特區政府警告市民﹐如每年的七一遊行人數有增無減﹐市民遲早可一人獲派一個五百尺單位。

— 繼盛女之後﹐又有盛男﹐觀眾繼續又要鬧又要睇。

原文發表於2013年6月22日

笑一笑時報 (5)

出版人﹕我
編輯﹕都係我
記者﹕一樣係我

— 有美國官員表示﹐斯諾登應該選擇在美國爆美國政府大鑊﹐而他的人身安全亦會受到美國政府保障......哈哈﹐哈哈哈。(對不起﹐我忍唔住笑)

— 震鷹遠赴美國﹐親自示範「人肉錄音機」﹐美國民眾反應出奇地好。

— 特衰正苦正研究是否要食住個勢﹐稍後派遣建制派議員赴美﹐示範「舉手機器」。

特別消息﹕
昨日笑一笑時報記者(即係我)在IFC商場見到藝人高海寧﹐好靚女。^^

原文發表於2013年6月15日

笑一笑時報 (4)

出版人﹕我
編輯﹕都係我
記者﹕一樣係我

— 政壇傳聞﹐如果震鷹下台﹐接任的將會係......肥彭。

— 政府又發ibond﹐有市民認為送iphone比較實際。

— 港鐵個別單程票竟然比用八達通付款更便宜﹐專家指出兩個可能﹕一﹐港鐵搵笨﹔二﹐港鐵管理層係白痴。

原文發表於2013年6月8日

笑一笑時報 (2)

出版人﹕我
編輯﹕都係我
記者﹕一樣係我

— 有團體認為﹐佔領中環對香港民主進步毫無作用﹐建議不如佔領孟加拉。

— 學民思潮遊行﹐警方發言人強調過程中並沒有女學生被警員非禮。

— 痔肛表示﹐一個月前已知道商交所出事﹐他繼而指出做生意周轉不靈只是小事﹐即使香港陸沉也只是小事﹐因為地球只是宇宙的一粒微塵。

原文發表於2013年5月27日

笑一笑時報

出版人﹕我
編輯﹕都係我
記者﹕一樣係我

— 輕鐵出軌﹐懷疑與九巴有染。

— 震軟認為自己毋須辭職﹐因為在職期間自己其實無甚貢獻﹐辭職與否分別不大。

— 天文台呼籲﹐黑色暴雨期間﹐罵政府的市民請暫時停工﹐及盡量留在家裡。

(《笑一笑時報》靈感來自我很喜歡的政治漫畫家尊子)

原文發表於2013年5月23日