《百無禁技》一個反對壓情禁色的節目

(59.9秒無無謂謂雜誌 七十一)

嗱﹐我話過會「唔知邊日﹑失驚無神﹑心血來潮就嚟個簡短介紹」﹐介紹吓啲我認為正嘅網台節目。

今日就介紹《百無禁技》﹐一個關於性愛嘅網台節目﹐十八歲以下就唔好聽喇﹐等多陣啦。

我鐘意呢個節目嘅主要原因係因為個主持阿Frank﹐真係好少有主持咁放﹑咁坦白﹑咁夠膽講。

另一原因係﹐香港呢個所謂國際城市﹐喺性呢方面真係出奇地保守﹐保守到甚至連公開講吓都甚少見。

簡短介紹就係要keep住簡短﹐所以我已經介紹完。反正我的介紹一點都不重要﹐只係隻手指﹐個節目先係個月亮。

原文發表於2013年3月9日