Woody

BB高達

係﹐我真係好鐘意Spiderman

型﹗

笑一笑時報 (11)

出版人﹕我
編輯﹕都係我
記者﹕一樣係我

— 有雞助估值三百億以上﹐KFC考慮套餐加價至一千億。

— 謬波囤地﹐眼光準繩﹐商業觸覺一流﹐足證擔任發展局長一職勝任有餘。

— 自己個仔當然係自己個老婆的家人﹐但自己老婆的家人未必係自己個仔﹐自己老婆的家人可以係別人個仔﹐別人個仔可能係自己阿爺的家人﹐自己個女或者係別人的叔公的外孫的老婆﹐唉﹐好複雜﹐總之﹐結論係﹕謬波無隱瞞什麼﹐誠信無問題﹐當然毋須落台﹐你班友咪X咁多事﹗

— 廢人新標準﹕年過40﹐無物業。(侯某人話嘅﹗唔順呀﹖攞啲地掟死你﹗)

原文發表於2013年7月27日

漏了這一幅

太古城LEGO展

only in 歷山大廈 STARBUCKS

價錢貴一截﹐不過唔覺得值。

快d去太古城啦﹗

呢度只係一部分﹗

時代廣場高達大戰

香港漫畫新希望﹖

LEGO!!!

攝於太古城

笑一笑時報 (10)

出版人﹕我
編輯﹕都係我
記者﹕一樣係我

— 立法會﹐地點一流﹐海景無敵﹐歡迎包場舉行各式「統戰」派對。

— 有涼粉話財爺係大罪人﹐主要罪名係財爺唔肯成為涼粉。

— 日本腦炎殺到﹐有維園阿伯呼籲同胞少吃日本拉麵。

— 維園阿伯補充﹐日本成人電影是不會傳染日本腦炎的﹐各位同胞請放一百二十萬個心。

原文發表於2013年7月20日

TOMY車仔

觀影感想 16 - 20

真係奇

(觀影感想 十六)

《PIRATES OF THE CARIBBEAN》前後拍咗四齣。

真係奇﹐我竟然一齣都唔明啲劇情。

係真係唔明﹐完全唔知發生緊乜事﹐只係見到一幕幕熱熱鬧鬧嘅場面。

不過唔明就算喇﹐實在無乜興趣探究呢個系列。

連我呢個超級粉絲都唔收貨

(觀影感想 十七)

我係劉鎮偉嘅超級粉絲。

佢近幾年嘅作品﹐例如《越光寶盒》﹑《機器俠》﹑《出水芙蓉》﹐我知道大部份人都覺得

好爛﹐但係我依然從中搵到啲樂趣。

不過﹐去到呢部《東成西就2011》﹐就真係連我呢個超級粉絲都唔收貨。

唔知道其他劉鎮偉嘅粉絲又覺得點呢﹖

觀影感想 之 未觀就有想

(觀影感想 十八)

成龍一直以《十二生肖》係佢最後一套動作電影嚟宣傳﹐不過最近就透露接咗史泰龍套《THE EXPENDABLES 3》﹐仲研究緊《RUSH HOUR 4》個劇本。

所以話﹐藝人講嘢﹐真係聽吓就算﹐無謂太認真﹐show business嘛。

講番《十二生肖》﹐我未睇﹐只係睇咗個trailer。

都係果幾度板斧啦﹐熟口熟面嘅動作﹐熟口熟面嘅表情......

入戲院就免喇﹐出碟我先睇啦﹐反正成龍話佢有世界票房﹐都唔會志在我呢個香港觀眾啦。

一代宗師 之 兒女情長

(觀影感想 十九)

— 其實係愛情片(其實王家衛有邊套唔係﹖)

— 整齣電影有點支離破碎(again﹐其實王家衛有邊套唔係﹖不過有時支離破碎得好﹐有時支離破碎得唔好。今次我覺得係唔好。)

— 王家衛的技法值得欣賞﹐不過喺佢啲舊作已經欣賞過好多次......

— 現在上映的版本有點像半完成品﹐難怪有傳聞遲啲會有個終極版

— 唔係好覺梁朝偉嘅演出同喺其他王家衛嘅電影有太大分別(應該係導演的問題﹐非演員之罪)﹐所以當《一代宗師》裡面嘅葉問穿起西裝拍照﹐觀眾都想起周慕雲(同場有觀眾笑出來)

— 肯定有參考過葉偉信嘅《葉問》同《葉問2》

— 暫時係得咁多感想

又說一代宗師 之 點點點滴滴滴

(觀影感想 二十)

— 已經太多人講呢套戲﹐如你覺得厭倦﹐可立即離開此頁面

— 咁多人講﹐完全在王家衛意料之內﹐掌控之中﹔王家衛從來就精於計算

— 真係唔覺梁朝衛演得好﹐我甚至覺得佢好多時都唔係好知點演(如果稍為知道王家衛的拍戲方法﹐呢個其實唔會太意外)

— 以現在公映的版本來說﹐完全無必要用宋慧喬(除咗好成功地為電影又製造了一些話題......)

— 如果唔係有《葉問》在先﹐我幾肯定王家衛的《一代宗師》還在籌備階段﹐而且好可能係永遠停留在籌備階段果隻

— 之前有傳聞話會有個四小時終極版﹐後來王家衛否認。唉﹐是但啦﹐誰猜得透王大導心思呢﹖沒有四小時﹐也可以有三個半小時。沒有「終極」﹐也可以有「過渡」。之前誰又估到《東邪西毒》會推出終極版呢﹖

— 的確現在又沒必要推出四小時終極版﹐反正現版本越模糊就越多空間以供解讀﹐越多人解讀就越引到更多人睇(甚至睇多幾次﹐還不正中王大導下懷﹖)

— 雖然有大把人講呢套戲﹐但係我最有興趣知道佢點諗嘅就只有三個人﹕舒琪﹑邁克﹑四維出世(不過三位都好似未出手)

— 暫時係得咁多感想

— 即係唔排除日後會有其他感想﹐是的﹐王家衛這人和他的電影係特別令人有特別多的感想

最近在讀的小說

比預期更好看﹗﹗﹗

那一種食物﹐又蠢又笨又喜歡講大話﹖

(59.9秒無無謂謂雜誌 一百一十四)

葉一南在《飲食男女》的專欄轉貼了一些笑話﹐甚佳。

我挑其中幾個較短的﹐轉貼再轉貼﹐如下﹕

問﹕狼來了。(猜一種蔬菜)  答﹕洋蔥。(羊衝呀)

謎面﹕胸圍 (猜一食物)  謎底﹕扣肉

那一種食物﹐又蠢又笨又喜歡講大話﹖香港人都知道這答案﹕涼粉。

是的﹐是涼粉﹐哈哈﹐哈哈哈。

原文發表於2013年7月15日

觀影感想 11 - 15

係我錯

(觀影感想 十一)

係﹐係我錯﹐我真係唔應該睇過谷德昭先生執導嘅《家有囍事2009》之後﹐仲要睇《神奇俠侶》。

十分鐘﹐再忍十分鐘﹐再再忍十分鐘﹐結果都係忍唔住﹐熄機唔睇。我係租碟嘅﹐損失八大元。

錯就要認﹐打就企定。睇谷生套嘢(唔想稱之為“戲”)﹐俾我個種難受嘅感覺﹐我相信我已經得到應得嘅懲罰。

我知錯啦﹐以後都唔敢......嗚嗚嗚......

復仇者聯盟

(觀影感想 十二)

- 由於我真係唔覺得3D會令一套戲好睇咗(只會令張飛貴咗)﹐而且要戴住副3D眼鏡兩個幾鐘﹐其間還要保持一個最佳角度觀賞﹐都幾唔好受﹐所以我堅持搵間播2D嘅戲院幫襯。

- 荷里活就係荷里活。有資金﹑有技術﹑有人材(台前及幕後)拍得出呢類娛樂大片﹐呢刻為止﹐都只係得荷里活做得到。

- 有部份情節諷刺當今美國政府﹐不過始終只係popcorn movie﹐無謂諗得太多﹐無謂太多對號入座。

- 太多角色嘅戲好易出事﹐好多時會顧此失彼。呢個導演算處理得幾好﹐每個角色都有發揮。

- 有啲對白寫得幾幽默﹐知道來龍去脈嘅觀眾會識得笑。

- 其實啲外星大軍可以用箭同槍對付﹐個危機都唔係咁大啫。

- 片尾出現一個更勁嘅反派﹐聞說叫做Thanos﹐鋪哂路俾續集喇﹐各粉絲係咪好開心呢﹖

- DC Comics同Marvel夾埋﹐啲英雄人物無一千都有幾百﹐每個拍齣戲﹐續集再續集﹐副線又可以再獨立發展﹐漫畫改編電影呢條水應該可以食到世界末日。

最近重看了《BRAVEHEART》

(觀影感想 十三)

《BRAVEHEART》﹐1995年的電影﹐贏了很多個奧斯卡金像獎﹐包括最佳電影。

當然﹐在真正懂電影的人眼中﹐奧斯卡是越來越無足輕重。

電影有如下情節﹕英國國王頒下法令﹐英格蘭的貴族男人有權奪去蘇格蘭的新婚女子的初夜(很不可思議吧﹖)。英國國王的算盤是這樣的﹐與其要長期提防蘇格蘭人的反抗﹐倒不如逐漸清洗蘇格蘭人的血統。

好了﹐我的問題是﹐如果你是當時的蘇格蘭人﹐面對英格蘭這個強權﹐面對這條惡法﹐你會怎樣做﹖

A) 我無諗住結婚喎﹐關我Q事。

B) 我會結婚﹐不過我唔係女人﹐唔使陪條英格蘭佬瞓﹐話之佢啦。

C) 我只係一個女人﹐我條佬都唔做嘢﹐我更加

好笑係因為......

(觀影感想 十四)

呢套《THE SPY NEXT DOOR》我諗唔係咁多香港觀眾睇過。

曾經成龍嘅電影係香港觀眾嘅期待﹔今時今日﹐成龍嘅電影喺香港周不時仆直﹐真係 — 套一句俾人講到爛的話 — 情何以堪﹖

此片屬於可睇可唔睇之作﹐即係唔睇無乜損失果隻。

我睇咗﹐覺得幾好笑。

好笑﹐唔係因為套戲啲笑料﹐而係因為啲笑料成龍用咗十幾廿年都仲繼續用﹐翻炒又翻炒﹐而佢又真係好似好落力咁演......

總之﹐我睇嘅時候真係好幾次笑到哈哈聲。

成龍﹐你係得嘅﹗

條大橋幾有趣

(觀影感想 十五)

一班靠製造意外搵食的人遇上意外﹐自然會疑神疑鬼。

以上就係《意外》呢套戲條大橋﹐我覺得幾有趣。

題外話﹐如果係老千﹐應該都會成日疑神疑鬼﹐覺得周圍都係騙局﹐人人都信唔過。

唔﹐呢條都可以係一套電影嘅大橋呢......

笑一笑時報 (9)

出版人﹕我
編輯﹕都係我
記者﹕一樣係我

— 淨心BB到中聯辦請願﹐中聯辦拒絕接見。(件事本身好好笑﹐毋須再加油添醬。)

— 話過N屆都唔會參選特首嘅特首話會喺適當時候展開政改咨詢﹐並強調佢記憶中無講過無政改咨詢﹐不過咨詢與不咨詢之間存在一個好迷離的四次元空間﹐只要全體地球人和外星人對普選都有共識﹐咨詢就會......(記者聽到暈低﹐記不了之後的說話﹐見諒)

— 一蘭香港開張﹐有食客投訴輪候時間太短﹐只幾個小時﹐未能過足癮。

原文發表於2013年7月13日

訪問嚴羚 (節錄)

本來想長篇大論的介紹他一番﹐想想﹐不知從何入手。

簡單一點﹕嚴羚﹐創作歌手。

訪問他﹐除了因為他是我的朋友﹐還因為他是一個有趣的人。

他翻唱了幾首名曲﹐上載到youtube。

翻唱又有什麼大不了﹖

你仔細的聽聽﹐他是重新編曲﹐重新混音﹐重新演譯﹔是經過大腦思考的一次再創作。Screamin’ Jay Hawkins的《I Put a Spell on You》竟然可以給他唱出浪漫又帶點幽怨的味道。你再仔細的看看歌詞﹐他的版本實在是很妙﹐很妙。

星期日﹐茶餐廳﹐就讓嚴羚由翻唱說起吧。

— 音樂就在宇宙中

“有次跟朋友說起Internet﹐大家都同意Internet是一件不能忽視的東西﹐可以說有了Internet世界就不再一樣。但﹐問題是直至 現在也沒有人能真正的好好的利用它﹐大家都在摸索。剛巧那時我在音樂上正做著不同的嘗試﹐我想﹐不如就翻唱幾首歌﹐放上youtube吧。 

全文連結﹕http://forum.hkej.com/node/44973

觀影感想 6 - 10

 嫌疑

(觀影感想 六)

有些電影其實是同志電影﹐又或者有一點點的同志意識。

如果導演不坦白說出來﹐觀眾當然不能一口咬定。

於是﹐電影的細節就可堪玩味了。可能有人說這是捕風捉影﹐然而好電影往往是需要觀眾參

與的。只有最悶蛋的導演﹐才會把一切說白﹐不容觀眾有半點想像空間。

《艋舺》這電影好有嫌疑。

和尚(阮經天飾)其實是深愛著志龍(鳳小岳飾)的﹐你看出來嗎﹖

看不出來﹖唔緊要﹐就當一套黑幫片看﹐《艋舺》還是不錯的。

另﹐馬如龍在片中演活了一個守舊的﹑老派的黑幫大哥﹐其他演員的表現也很好啊﹗

問題

(觀影感想 七)

電影到底是什麼﹖導演到底要做乜﹖導演的責任是不是觀眾想要乜就拍乜﹖觀眾購票進場﹐是顧客﹐所以電影就要滿足他們的要求﹖還是﹐觀眾應該開放心靈 ﹐看看導演有乜料到﹖銀幕上一定要靚仔靚女﹖名流﹑大亨的事跡才值得拍﹖小市民的故事就無人有興趣﹖無戲劇衝突就是悶戲﹖點解一定要有戲劇衝突﹖電影真的 只是娛樂﹖除了娛樂﹐它就什麼都不是﹖本土題材就不是國際化﹖導演不應該關懷自己所處的社會﹖要迎合主流口味﹖誰是主流﹖etc﹐etc﹐etc。

如果你都會諗吓呢啲問題﹐你應該會喜歡《天水圍的日與夜》。

講好一個故事

(觀影感想 八)

奇連伊士活﹐能編﹑能導﹑能演。

由《MYSTIC RIVER》看起﹐跟著的《MILLION DOLLAR BABY》﹑《FLAG OF OUR FATHERS》﹑《LETTERS FROM IWO JIMA》﹑《CHANGELING》﹑《GRAN TORINO》﹑《INVICTUS》﹐我覺得他的電影的著眼點始終是﹕講好一個故事。

講好一個故事﹐看似簡單﹐其實都要功力有番咁上下。幾多導演連故事都講不好﹐搞到套戲一塌糊塗﹖

他不會賣弄什麼剪接﹑攝影技考﹐但他的電影永遠有一個compelling story。

以上提及的電影﹐我最喜歡《GRAN TORINO》。

《LETTERS FROM IWO JIMA》和《INVICTUS》我覺得伊士活有點失手﹐可能是對題材不夠熟悉﹖

點都好﹐伊士活﹐老當益壯﹐勁﹗

 

感情

(觀影感想 九)

上個星期﹐真係無心機寫嘢。

面對生與死﹐誰又管你看過什麼戲﹐讀過什麼書﹖

一粒子彈飛過來﹐誰又管你是什麼身份地位﹖

都不過是一副血肉之軀。

《EVERYBODY'S FINE》是一套西片﹐但我覺得電影裡的感情很中國人。

或者我不應該強要分什麼西方人﹑中國人﹐因為感情是universal的﹐全人類共通。

多一齣唔多

(觀影感想 十)

好唔好笑﹖有啲好笑啦。

有無妙趣﹖有啲妙趣啦。

問題係﹕同一道板斧高安兄弟已經玩過好多.....好多次。

於是﹐呢套《A SERIOUS MAN》給我的感覺是“多一齣唔多﹐少一齣又唔少”。

小發現﹕此片男主角﹐笑起上嚟﹐竟然似 - 李家聲﹗

哈。

整多張先﹗

巴士燈箱廣告

觀影感想 1 - 5

Detail

(觀影感想 一)

寫財經﹐傷神費時﹐不如講吓電影。

曾經我以為自己好識電影﹐直至我認識了一位電影學者。Lesson: 一定要見識過真正嘅高手﹐先知自己原來未夠班。

我唔敢寫影評呀﹐真係未夠班﹐只係寫啲感想咋﹗

荷里活電影﹐特技固然係頂級﹐但其實最最最強係電影裡面嘅detail(細節)。好似呢套《STATE OF PLAY》﹐戲裡面﹐記者似一個記者﹐編輯似一個編輯﹐軍人似一個軍人﹐國會議員似一個國會議員。唔好以為簡單﹐背後要做好多工夫。

反面教材﹐你可以睇吓任何一套TVB劇習﹐律師﹑醫生﹑警察﹐做乜職業都好啦﹐同一個模樣。

留意《STATE OF PLAY》片尾﹐應該係向傳統媒體(報紙)致敬。

底線

(觀影感想 二)


無期望﹐自然無失望﹐有時反而會大喜過望。

看《EDGE OF DARKNESS》﹐我有少少驚喜。

Mel Gibson都算係A-Grade演員﹐不過近年事業好像有點停滯不前。其略帶神經質的演出﹐我是蠻喜歡的。但他擔正的某些電影﹐例如《THE PATRIOT》﹐例如《WE WERE SOLDIERS》﹐九成九係美國政府啲propaganda(政治宣傳)﹐我就有點吃不消了。

《EDGE OF DARKNESS》講的其實是一個老豆為個女報被殺之仇嘅故事。Mel Gibson飾演老差骨﹐單人匹馬﹐對付一間暗地裡做軍火生意的大企業。老差骨有智有勇﹐把大企業逼埋牆角﹐最後同大反派攬住一齊死。大仇得報﹐大快人心﹗

“搞我無所謂﹐搞我個女﹐或者條女﹐我同你搏命﹗”

 底線一過﹐唯有還拖﹗咁先似個男人㗎嘛﹗

火爆

 (觀影感想 三)

《順流逆流》上映時我沒有看﹐是後來一位影評人帶我到西灣河的電影資料館看的﹐那時資料館正舉辦除克電影回顧展。

很喜歡﹑很喜歡這套電影﹐每一個畫面都那麼有爆炸力﹗

有些創作人﹐隨著年歲漸長﹐創作力消退﹐團火就熄就熄咁。呢個肯定重未發生喺除克身上﹗睇呢套戲﹐我感受到導演嘅火爆﹗(據跟除克合作過嘅電影工作者說﹐佢的確係幾火爆。)
電影裡﹐我最喜歡的是一場困獸鬥﹐發生在香港的舊樓。導演把舊樓拍得活像一個森林﹐各路人馬就在內裡鬥智鬥力。留意導演如何處理此場的靜與動﹑鬆與緊﹑場景嘅替換﹑人物嘅關係。

伍佰飾演一位僱佣兵﹐高手中嘅高手﹔滄桑﹐同時man到爆﹗

 鬥心爆棚

(觀影感想 四)

朋友看完杜琪峰的<柔道龍虎榜>﹐說不明白﹐“唔知搞乜”。

杜琪峰接受訪問時說﹐他很喜歡<柔道龍虎榜>﹐但觀眾反應只是一般。

我自己是非常喜歡此片的﹗

古天樂飾演天才柔道高手司徒寶﹐雙眼有疾﹐逐漸失明﹐最終會完全睇唔到嘢 。於是他不再練功﹐終日混混噩噩﹐在酒吧當一份小差。後來被身邊的人激發﹐重拾鬥志。最後一幕﹐司徒寶完全失去視力﹐另一柔道高手(梁家輝飾)蒙上雙眼﹐ 兩人痛痛快快的打一場。電影沒有交代誰勝誰負﹐但這又怎會是重點呢﹖

其他角色有﹕Tony(郭富城飾)﹐一個武痴﹐到處找人挑戰﹔小夢(應采兒飾)﹐一心想成為歌手(留意﹕電影呈現出來的是﹐小夢完全沒有天份﹐但她 就是要向夢想直奔﹐說不定有天真會成功哩。)﹔老柔道師父(盧海鵬飾)﹐守著一間道場(留意﹕電影中可見﹐道場顯得有點過時﹐而且再沒有學生。師父和他那 個有點弱智的兒子在街上派傳單﹐途人反應冷淡﹐但他倆就是堅持著。)

我覺得此片的message是﹕就算明天係注定暗淡(就如司徒寶雙眼﹐逐漸失明)﹐死梗㗎喇﹐我們是不是就要選擇什麼都不做﹖還是﹐應該積極面對﹐拼命做﹐做得幾多得幾多呢﹖

電影是不是在暗喻香港﹖

“勇不可擋 鬥心爆棚”﹐海報標語如是說。

 一片天

(觀影感想 五)

史泰龍﹐曾經紅到發紫﹐後來霉過梅菜﹐近年事業有點起色。

《ROCKY BALBOA》中﹐Rocky這一代拳王﹐英雄遲暮。他經營餐館﹐但始終心在擂台。有一幕﹐Rocky想再次比賽﹐去見什麼拳擊委員會。委員會不批 准﹐Rocky初時克制情緒﹐後來終於忍不住說出一番話(請留意對白﹐很精彩的﹗)。經歷過事業低潮的史泰龍﹐好像是要把積壓多年的情感在這一幕盡情爆發 ﹗呢個moment﹐現實和電影交疊﹐史泰龍和Rocky是再也分不清誰是誰啦。

Rocky金句﹕“It's not about how hard you hit. It's about how hard you can get hit. And keep moving forward.”

跌倒﹐起身﹐keep moving forward﹐可能就是另一片天﹗

(以上係舊文轉貼)

原來好好食

笑一笑時報 (8)

出版人﹕我
編輯﹕都係我
記者﹕一樣係我

— 警方更正﹐七一遊行人數並非6.6萬﹐而係......一個人都無。

— 至於七一當日由中還至天后的人龍﹐警方估計佢哋係想去巨蛋show睇明星﹐不過行錯路。

— 人力專家稱今年開始香港發展得最快的產業係維穩﹐預期五年內取代物流﹐成為香港經濟四大支柱之一。

— 人力專家籲香港人抓緊機遇﹐即使唔能夠成為明星做維穩show﹐撈個五毛做吓是一點不難的。

原文發表於2013年7月6日

一啲都唔期待

喺日本食過啦﹐唔覺真係好好食﹐非食不可喎。

(轉貼) 無知校長要移民 作者﹕彭志銘

唔覺意睇到本地一份周刊的《老總手記》，佢識得一個校長，話見到演藝學院畢業生在畢業禮上向監禮的「校監」所作出無禮的舉止，很不是味兒，並覺得將來的香港，若由這類下一代棟樑繼承，肯定無運行，所以，該痛心疾首的校長話會考慮移民喎！

哦！校長！請問移民去邊呢？唔該單聲！其次，唔該你快啲起錨起錨，否則，你喺度好易爆血管！

我跟上述那位「人之患」的睇法啱啱相反；如果全港學生或年輕人都有呢班演藝同學咁有「吉士」和創意，亦有勇氣敢於無懼權貴，兼用和平及有顯著效果的表達手法，我一定長居此地，打死都唔走，因為咁先係個有希望的地方。

難得現今的年輕人有獨立思想，不受迂腐殘敗師長的虛偽影響，打破桎梏束縛，似番個人，咁都得唔到讚賞，反而嚇到校長要雞飛狗走？Bye Bye囉！

作為校長，乜唔係訓育新一代有識見，而望佢哋低能聽話聽教、信大話精、做家奴、任人老點不吭聲乎？又或者甘心活在謊言滔天、暴政橫行、法治不倡、粉皮當道、民不聊生嘅管治下？

若再由一批無力執政的高官亂嚟，瞞騙中央、打壓良民、禍港害人，咁就真係要「拿臨」移民嘞！但該校長卻反道而行，不鼓勵有生機的年輕人，卻以跳船逃難的威嚇去指摘他們，仲何來有資格當校長呢？死開啦！這處不需要你囉！

喂！你貴姓大名，移民去邊？講聲好喎！因為我唔想見到你！你太無知，我會避你！

尋找最正的可樂 之 完全為了個包裝

比達﹗﹗﹗

尋找最正的可樂 之 俾我搵到罐正嘢

好飲﹗(購於太古城Apita)

(轉貼) 遊行人數？有Comment囉！ 作者﹕彭志銘

尋日，全港報章，各用十多頁版面去報道今年七一新聞，此乃近年鮮見的一遭。

何解，眾傳媒朋友今年特別着力關注七一活動呢？哦！主要係今屆的香港廢柴政府運作了一年，廣大市民用腳上街給他們打分，有讚有彈，有撐有反。據正反雙方的主辦單位報數，鄭耀棠聲稱，連番慶回歸活動的參與人數，為二十二萬五千；而冒着風吹雨打，行足四粒鐘，擠在街頭媽叉庸廢政府倒行逆施的人群，民陣話有四十三萬人，而訴求十分多，不滿的，就更多。

事後，坊間互相質疑正反兩邊人數的真確性。在一個再不講誠信的社會，騙子也有機做高官的年代，仲單憑聽人家所講，你就信？白唔白癡啲呀？為何不信自己的眼睛呢？

當七一上街遊行隊伍的龍頭抵達中環遮打花園，龍尾仍在銅鑼灣維園未行出球場，咁仲使講嘢？土共為減低遊行人數的參與，早已不擇手段，呃商舖優惠，又搞「水蛋Show」，甚至警方配合封路，唔畀市民沿途加入；而天文台亦十分識做，高調揚聲颱風殺到；亦有「恐怖分子」恐嚇個別議員，叫佢哋唔准上街，但新聞圖片所見，成條軒尼詩道六條行車線塞滿晒向政府說不的人。

人數的爭議，怎及市民怒火的重要。今年遊行人訴求之多，是三屆政府之最，亦反映咗最廢最無能最唔做得嘢嘅官員，以本屆政府最多囉！

其次，今年出嚟遊行的參與者，更多了一批往時少見的基層和老人家，可見呢個垃圾政府已爛到叫人忍無可忍了！真係No Comment囉！

彭志銘

七一

自己識點做。