尋找最正的可樂 之 白色可樂

味道唔得

Budweiser﹐我喜歡的其中一個牌子

another one

Lotso from 7-11 Hong Kong

大作

繼續尋找最正的可樂

好夠麥味

廣東字

啲嘅 咁 噃 啫 嘞 咩 囉 喎 吓 嗰 喇 啩 叻 乜 吖 嘢 咗 喺 晒 咯 嘥 睇 佢 哋 嗱 嚟 啱 咪 揸 攞 唉 吔 嚿 梗 瞓 睥 咦 掂 噚 諗 㗎 揼
哂 唞 冇 跣 唓  晒 嘜 孭

今日見到顏卓靈

金鐘太古廣場見到﹐好靚女﹐不過太厚妝。

職業炒家

香港﹐確實係一個俗富繁華之地﹔而最能夠體現出呢點嘅﹐應該就係我哋個金融市場。

市場裡面有一批職業炒家﹐佢哋之中有些人資產可能多過一個中小型基金﹐trade過億金額﹐上落以百萬計。

工作上我招呼過好一些職業炒家﹐龍哥(化名)係其中一位。

八月五日﹐恆指曾大跌1241點﹐收市跌938點﹐好刺激。

你有興趣了解一下一位職業炒家當日的操作和看法嗎﹖

「龍哥﹐可以講吓你今日做過乜﹖同埋對個市點睇嘛﹖」

「今日我咪一早返到股票行囉。炒嘢嘅都知﹐開市頭一個鐘左右﹐同臨收市前半個鐘左右﹐係最重要﹐好多時搵唔搵到食就係睇呢兩段時間。

「噚晚美股跌咗五百有多﹐今日港股都無運行啦。我揸咗球半中移動put輪過夜。期指一開就跌九百幾﹐中移動競價跌兩個幾﹐我條輪可以話贏硬。不過贏幾多就唔知喇﹐因為要等啲發行商開價。

「九點鐘開市﹐等咗十分鐘都未開價﹐我差啲想打電話俾個莊(發行商)。不過十分鐘唔算耐咯﹐我試過三十分鐘都未開價。後來開咗價﹐我第一時間隊一球先﹐贏$0.11。個市仲係插緊﹐剩低嗰五十萬股put咪坐多陣囉。

「係呀﹐呢球半put輪埋單計數贏咗十幾萬。買賣窩輪無印花稅﹐使費平啲。有時我都會炒正股嘅﹐如果見到有機會。好似今日上午有段時間﹐我見個指數跌定咗啲﹐咪短炒隻國壽囉﹐贏五萬蚊到啦。

「全日贏over廿萬﹖咁又無﹐我炒啲call輪同啲指數ETF輸番些少啦。

「個財經台猛話股災股災﹐股乜嘢災呀﹖你有無見過個市淨係得沽盤﹐無買盤吖﹖有人沽﹐無人接﹐你先話「災」啦。今日唔係喎﹐買賣都好活躍。其實跌過千點﹐對有錢喺手嘅人係入貨機會。我就$72.90入咗10,000股匯豐喇。隻5號仔﹐13陪PE左右﹐又有息派﹐點解唔買呀﹖如果升到近$80.00﹐我就沽咗佢食糊﹔再大插﹐我再買10,000股添。清楚知道自己承唔承受到個風險﹐控制注碼得宜﹐呢個係贏錢關鍵。

「我唔係亂搏嘅。你睇睇恆指成份股嘅平均PE﹐得11陪﹐算係偏低﹔買藍籌﹐贏面應該幾大。再講﹐我真金白銀找齊數﹐又唔係孖展﹐怕乜呢﹖

「驚唔驚美國國債問題﹖唔係唔驚﹐係無得驚。年頭開始﹐唔係歐債﹐就係歐元﹐國家都話可以破產嘅﹔而家到美國﹐一時又話降評級﹐一時又話無問題﹐一時又話解決方案唔通過﹐總之就危機處處﹐個市就「發」上「發」落。其實我哋呢類職業炒家就係靠波幅搵食﹐如果落場會驚﹐應該係時候轉行。 

「個市呆呆滯滯無波幅我就真係驚喇。今日收市﹐我期指開咗倉﹐揸兩張過夜。星期一開市最好就彈番幾百點啦。哈。」

「如果唔彈呢﹖」我問。

「唓﹐唔對路咪打咗佢囉(指平倉)﹐邊有實賺㗎。」龍哥望望我﹐表情好似話我問得好多餘。

(這篇稿背後有一個故事......可能有天我會詳細寫出來......)

中秋夜

月餅

迷失銅鑼灣

方卓如在《迷失中環》的序中說﹐「當年的《信報》，我最喜歡看艾黛的〈中區麗人〉，年少無知的我，讀到她行走中環、辦公室鬥法與賭仔明愛恨交纏的故事，恨不得立即走入江湖，大展拳腳。」

余生也晚﹐〈中區麗人〉我無睇過﹔不過﹐曾幾何時﹐我最喜歡讀的是〈國金外望〉。

讀的時候﹐我已不是年少無知﹐我已身在江湖。然而﹐江湖又豈會局限在中環﹖

黃生﹐專炒二三線股﹐一日turnover可以過億﹔開市時﹐佢基本上唔會離開佢間淺水灣獨立屋。李生﹐做現貨期貨套戥﹐狠起上嚟﹐揸過百張期指﹐上落以千萬計﹔佢亦係於家中炒作﹐住北角。文哥﹐主力炒輪﹐幾球幾球咁入貨﹐幾球幾球咁出貨﹔佢喺荃灣某證券行有間專房。所以話﹐金融故事又點會只發生在中環﹖

我做交易員﹐又稱「出市」。呢﹐即係嗰啲著住件紅背心嘅人。不過我唔使著紅背心﹐因為我唔係喺交易大堂返工。

講起交易大堂﹐股壇長毛曾經極力主張廢除﹐話無實際用途﹐租金又貴。Well﹐今時今日﹐廢除交易大堂﹐技術上係可行。但係﹐如果無咗﹐以後要搵邊個地方象徵香港股票市場呢﹖唔好覺得「象徵意義」好唔實際﹐好虛無縹緲﹐某啲無形(intangible)嘅嘢其實先最值錢﹐auditor就最清楚。我認為交易大堂可以搬﹐唔可以無。有個方便地點處理部份交易﹑又可以搞吓上市酒會諸如此類嘅活動﹑傳媒又多個固定地方工作﹐有乜唔好呢﹖股壇長毛故意簡化事情﹐實在唔係第一次。

我住天后﹐公司喺銅鑼灣﹐好近﹐行過咗維園就到。沿途買份《信報》﹐攞兩份免費報紙﹐一日嘅精神食糧就齊喇。

有外國旅遊書如此介紹銅鑼灣﹕「One of the most famous shopping districts in the world.」出入呢區咁多年﹐我從來無咁諗過﹐但係諗落又覺得好貼切。其實﹐除咗商店﹐近兩年唔少金融機構都嚟呢區落腳﹐多得中環啲寫字樓租金升到上天。銅鑼灣工商皆旺﹐希慎應該最開心。

改咗交易時段之後﹐上午八點半就要返到公司。

八點半至九點呢段時間﹐未開市﹐亦未有得競價﹐盤房(交易部)通常好得閒。今日都唔例外。

「現貨市場加時﹐就嚟期貨市場都要加時喇。」說話的是全哥﹐盤房老鬼。

「唔係嘛﹖」我答話。

「阿Joe﹐你無睇噚晚新聞咩﹖話要開到夜晚十一點幾呀。唉。」全哥搖搖頭。

「交易所話要同其他市場接軌呀﹐要反映外圍消息呀。」Gary指一指手上份報紙。

此時﹐期貨部交易員宗仔拍一拍檯﹐說﹕「接乜嘢軌呀﹖反映乜嘢外圍消息呀﹖不如開埋星期六﹑日啦。唔通星期六﹑日個世界停頓呀﹖無消息要反映呀﹖」

又係喎。唔通星期六﹑日個世界停頓呀﹖無消息要反映呀﹖直頭就應該公眾假期都開市啦﹗話時話﹐

個世界每分每秒都有事發生﹐一於開足廿四小時﹐全年無休﹐once and for all﹐以後都唔需要再為延長交易時段呢個問題而煩喇﹗哈﹗

(曾刊於信報)

一把尺

有日同鄰居陳師奶同“車立”﹐陳師奶知我做證券行﹐問我某股票抵唔抵買﹐我答唔知。

佢望住我﹐表情好似話﹕唔係呀嘛﹐咁都唔知﹖

其實﹐抵唔抵買呢個問題無必要問人﹐要問就問自己心中的一把尺。

有部份人喜歡以美國國債為尺。如果某投資項目回報高過美債﹐他們就認為抵買﹐反之就唔抵買。為何以美債回報為尺﹖你隨便打開一本投資入門書﹐都會話美國政局穩定啦﹑美國政府唔會違約啦(下刪無數個大大小小理由)﹐因此美債係屬於無風險投資。

「美債無風險」﹐我認為係一句笑話﹐又或者係美國政府及依附其搵食之金融機構嘅一句宣傳語。

大家都係香港人﹐十之八九投資於本地股市﹐無謂懶專業﹐懶有國際視野﹐捨近圖遠睇美債回報﹔要選一把尺﹐我認為本地物業租金回報會更適合。假設一個六百萬單位﹐每個月租金係三萬元﹐一年租金就係三十六萬元﹐回報率即是6%。有了這個回報率﹐就可以和目標股票作比較。

以上是一個簡化了現實的例子。係人都知物業分住宅﹑商舖﹑寫字樓﹐仲可以再分高中低檔﹐租金回報豈會一樣﹖要選那一個來當一把尺呢﹖跟現實世界很多問題一樣﹐這個問題無標準答案﹐但我嘅建議係選中檔住宅。

話 明無標準答案﹐你當然可以唔同意用中檔住宅﹐你甚至可以完全唔同意以物業租金回報來衡量股票。我無意逼你接受我把尺﹐實在這也未必是最好的一把。我想強調 的是﹐投資者心中一定要有一把尺﹐否則的話﹐處身市場﹐會手足無措﹐會不懂何謂貴﹑何謂平﹑幾時買﹑幾時沽﹔像一隻盲頭烏蠅﹐亂衝亂撞。工作上﹐我確係遇 過唔少盲頭烏蠅﹐他們老覺得買賣股票是無法可依的﹐同時又樂此不疲地買買賣賣(好費解啊!)。

還有﹐市場是動態的﹔再以樓市為例﹐樓價和租金不會恆常不變﹐回報率也就不會恆常不變﹐於是那把尺就得靈活調教。很有些人不懂變通﹑忽視市場變化﹑機械式操作﹑硬性跟隨某一百分比來止蝕止賺﹑又或者死跟一些什麼目標價﹐這無疑於搵自己笨。

看到這裡﹐可能有讀者起疑﹕怎麼這個姓葉的把投資說得好像很簡單﹖

是的﹐投資這回事﹐可以很簡單﹐亦可以很複雜。金融世界很大﹐而且還有場內和場外之分﹐要弄明白每一環節是不可能的。但﹐好消息是﹐跟一般投資者最貼身的股票現貨市場其實相當簡單。如果你硬係唔明﹐硬係覺得無從入手﹐啱喇﹐我呢個欄就係為你而寫。

(曾刊於信報)

市場迷思

蔡東豪有迷思*﹐我都有迷思。

以下迷思﹐我無答案﹔如果有答案﹐迷思就不成其迷思啦。

–所謂「高頻交易」﹑「快閃交易」﹐其實係咪用高科技打尖﹐從而獲利﹖

–如果係﹐對無高科技嘅小投資者肯定唔公平﹐監管機構及交易所係咪應該好好規管﹐而唔係幫手開路﹖

–監管機構及交易所應該致力維持一個公開﹑公正﹑公平嘅市場......係我太傻太天真﹖

–投資銀行有自己嘅黑池﹐又有自己嘅交易員坐盤﹐又有主要經紀業務﹐似唔似做莊重可以睇晒其他人嘅牌﹖果如是﹐難怪能夠賺到天文數字嘅錢﹗

–其實係咪只要有人肯落搭﹐任何金融產品都有金融機構砌到出嚟﹐即使該產品同實體經濟一點關係都沒有﹖即使該產品之風險其實無人清楚﹖

–當越來越多金融活動脫離實體經濟需要﹐社會仲應唔應該大力發展金融業﹖

–凡阻礙大型金融機構搵錢的﹐就等同阻礙金融市場發展﹖就等同阻礙社會發展﹖

–美國股市發生「閃電崩盤」﹐事後出咗調查報告﹐但係有幾多人睇過﹖睇過而且明白嘅人又有幾多﹖最重要係﹐邊個知份報告有幾可信﹖

–評級機構隨便給AAA﹑股市可以閃電崩盤﹑銀行亂咁貸款﹐諸如此類荒謬事情竟然都發生在成熟市場﹔成熟市場都係得啖笑﹖

–金融海嘯還不足以說明歐美金融市場千瘡百孔﹖怎麼有人凡事都認為要師法歐美﹖

–馬多夫一案是不是帶出了一個事實 – 無論某個人幾咁猛料﹐其實都唔會有投資必勝方程式﹖

–一次又一次嘅金融醜聞﹐是不是說明﹐如果故事太完美﹐我們幾乎可以肯定背後有啲蠱惑﹖

–「私募基金」同「上市公司」﹐我認為係兩個互相矛盾嘅概念﹐但係竟然可以同時走在一起。金融市場認真神奇。

–既然有fund of funds﹐當然可以有fund of funds of funds﹐當然可以有fund of funds of funds of funds﹐如此類推﹐咁點解無呢﹖唔通個騙局太明顯﹖

–我都相信市場經濟﹐我都相信無形之手﹐但係我諗唔明﹐金融才俊對社會嘅貢獻真係大得過醫生﹖份收入真係差好遠喎……隻無形之手去咗邊度﹖

–當一隻新股上市﹐即日可以爆升幾倍﹐然後一直插水﹐我還應不應該相信股市的其中一個功

能係發現價格﹖

–有支持延長股市交易時段嘅人話﹐此舉能增強股市發現價格之功能﹔先假設這理由成立﹐我想問他們的是﹐對必定做成市場分割嘅另類交易平台又有何看法呢﹖

–點解有投資課程聲稱有必勝方程式﹖點解學費只係幾千至幾萬蚊﹖

–點解財經演員可以喺九秒九內解答任何問題﹖其中有啲問題﹐你就算俾九日九夜我﹐我都唔識答。

–其實我諗咁多做乜呢﹖你睇﹐陳師奶炒股炒輪炒得幾開心﹗

*見《壹週刊》第1091期《兔年投資哲學迷思》 

(曾刊於信報)

對談(2)

(尚未有一﹐何來有二﹖你無眼花﹐因為《對談》一文已於早前發表在我的信博﹐有興趣可到此網址﹕www.hkej.com/template/blog/php/blog_index.php?blog_blogs_id=58。另外﹐請注意本文寫於更改交易時段前。)

散戶﹕你哋就好啦﹐開市四個鐘﹐食飯兩個鐘。

交易員﹕好心你就咪執人口水尾啦﹐重要執句有誤導成份嘅。

散戶﹕有乜誤導呀﹖

交 易員﹕每個交易日嘅上午九點半至九點五十分係競價時段﹐呢二十分鐘投資者一樣可以做嘢﹐咁點解唔計入交易時間呀﹖計嘅話﹐交易時間就起碼有四個鐘頭二十分 鐘。至於中午休市﹐係就係兩個鐘﹐但你知唔知道下午開市前半個鐘就可以開始輸入或者取消買賣盤﹐我哋做交易員嘅兩點正就要standby﹐咁點食兩個鐘飯 呀﹖重有呀﹐我哋好多時休市都有嘢做㗎。

散戶﹕服咗你咯﹐咁都要拗多二十分鐘。就算係咁﹐香港個市都係開得短啦。

交易員﹕唉﹐又返嚟呢個point。長就係好咩﹖有無頭腦簡單啲呀﹖依據呢個邏輯﹐不如星期六﹑日都開市﹐紅日都開埋﹐咁我哋香港一定number one啦。

散戶﹕喂﹐頭先你話下午開市前半個鐘就可以開始輸入或者取消買賣盤﹖

交易員﹕係。雖然一般人唔察覺﹐但其實下午開市前呢半個鐘﹐個市對消息已經有反應﹐啲買賣盤已經變動緊。某程度上﹐呢半個鐘都屬於交易時間。

散戶﹕咁樣講法﹐兩個鐘break﹐實際上只係得一個半鐘﹖

交 易員﹕全對。三月七日開始﹐中午休市會縮短到一個半鐘﹐所以實際上只係得一個鐘。出年會再縮短到一個鐘﹐即係實際上只得半個鐘。交易所想完全取消中午休市 ﹐明眼人都睇得出。其實如果取消真係有利股市發展﹐我建議立即就取消﹔而如果根本就無作用﹐我認為一分鐘都無必要縮短。

散戶﹕我話你哋啲經紀行反對延長交易時段﹐又反對取消中午休市﹐係因為懶﹑要食飯﹑要午睡就真。阻住香港股市發展﹐阻住地球轉﹐哈哈。

交易員﹕你又執人口水尾喇。呢類言論我都聽過﹐講嘅不離兩個原因﹕一﹐對市場運作唔夠熟悉﹔二﹐有心抹黑。前者可以原諒﹐後者卑鄙到極。大家反而要諗諗點解有人咁積極鼓吹延長交易時段﹖

散戶﹕咁你又點解咁積極反對呀﹖

交易員﹕市場當然應該發展﹐但要兼顧小投資者嘅利益。我聽過唔少支持延長嘅理由﹐根本就似是而非。恕我唔一一說明喇﹐因為會講到天光。只有一點一定要提一提﹐我睇唔到延長交易時段同增強股市競爭力有乜關係﹐不過就相當肯定會對大型金融機構有利。

(此時﹐交易員唔知喺邊度攞咗本書出嚟。)

交易員﹕你睇睇林森池本書《證券分析實踐》點講﹐「大銀行或金融機構時刻都在垂涎你手上的小雞蛋」﹐改變遊戲規則其實會唔會係獵取小投資者手上啲小雞蛋嘅伎倆呢﹖

散戶﹕就算係﹐你都改變唔到啦﹐都塵埃落定咯。計我話﹐不如諗吓點樣獵取其他人啲小雞蛋好過啦。941幫我隊一萬股﹗

 (曾刊於信報)

京川滬與金股匯

有食家話最怕見到打著「京川滬」這招牌的食肆。點解﹖因為京﹑川﹑滬﹐隨便一瓣都博大精深﹔要學識一瓣都唔容易﹐更唔好講話精通全部。好多時幫襯呢類食肆﹐樣樣都有﹐就係無樣對辦。知味食家﹐自然知所選擇。 

金融市場又有何不同﹖某些專家一副通天曉的樣子﹐「金股匯」無所不談﹐但其實只係略懂皮毛﹐甚至可能連皮毛也談不上。當中最令人發笑嘅係有專家無論分析嘅對象係乜﹐用嘅都係同一個方法﹐完全忽視每件事物嘅獨特性。呢類「通天曉專家」呃到一般人﹐呃唔到真正嘅行家。

金 融市場點止金﹑股﹑匯﹖隨便數吓﹐仲有債券﹐仲有商品﹐仲有更難搞的數之不盡的衍生工具。無落過場﹐好難真正明白﹔就算落過場﹐一個人時間有限﹐試問又能 夠精通幾多瓣呢﹖還有一點﹐市場永遠走得快過本textbook﹐如果你的著眼點是如何操作賺錢(我以為這是大部份投資者的著眼點﹐小部份聲稱唔係為錢嘅 ﹐咁為乜呢？)﹐那實在沒必要被那些嚴重缺乏實戰經驗﹑估錯又唔使賠錢的蛋頭學者嚇倒。 

說到操作﹐身為參與者之一的你﹐ 當然有需要了解一下市場內其他各大大小小的參與者。舉例﹐指數基金﹑對沖基金﹑互惠基金﹑私募基金﹑創投基金﹐統統都叫做基金﹐但行事就很不一樣。投資銀 行﹑零售銀行﹑證券行﹐大家都係金融機構﹐但你又真係知道佢哋嘅分別﹖大戶﹑莊家﹑炒手﹐聽就聽得多﹐你認識又有幾深﹖你以為呢啲係基本功ABC﹐人人都 識﹖哈﹐唔係講笑﹐我遇過疑似資深投資者連經紀和出市代表都分不清。信我吧﹐花點時間弄明白不同參與者在市場內的角色﹐對分析市況肯定有幫助﹔更重要的是 ﹐你會發現有很多大眾見解和陰謀論原來都是站不住腳的。這些暫且按下不表﹐留待以後逐一拆解。

講咗咁耐﹐我其實係想介紹 一下自己個專欄﹐免得你日後去錯舖頭點錯菜。京川滬樣樣有無樣精﹐己所不欲﹔所以﹐金股匯大包圍乜都講一餐﹐我識﹐但我唔會咁做。本欄內容主要圍繞股市﹐ 希望能幫你看得更清楚﹐當做決定時便能更得心應手。我現在任職於證券行交易部﹐亦希望跟你分享一些工作上的所見所聞。

感謝《信報》給予機會。這份報紙喺投資路上啟蒙了我﹔而且﹐我係大約五年前在投資版看到證券行的招聘廣告﹐於是搵到份工﹐踏入金融業。能夠在此發表文章﹐對我真是別具意義。 

(曾刊於信報)

型嗎﹖

雲上舞 風裡刀

步驚雲

美心月餅﹐my choice

美心傳統月餅就好食﹐冰皮就完全唔掂。

尋找最正的可樂......

飲過未﹖

VINGO便利店有售

原味家作出品

幾好

原來有個顏卓靈

我真係背﹐而家先知有個顏卓靈。在youtube看到她跳舞﹐我立即成為fans了。

中環水浸

24/08/2013

Dr Pepper的味道

似京都念慈菴川貝枇杷膏。

La Formule﹐你在何方﹖

呢支暗瘡膏好好﹐不過而家搵唔到﹐有無人知道邊度有﹖

無題

SUBWAY

我必要的配料﹕青菜﹑番茄﹑青椒﹑洋蔥﹑橄欖

謝謝

我估係因為我捐過錢俾曹sir個農家女基金﹐所以收到曹sir呢本書。
呢啲事應該唔係曹sir親自處理﹐我估應該係佢秘書處理。
點都好﹐收到禮物﹐我想在這裡說聲謝謝﹗
謝謝﹗

美而廉

笑一笑時報 (14)

出版人﹕我
編輯﹕都係我
記者﹕一樣係我

— 點解出嚟撐隻狼要戴口罩﹖心理專家估計係因為無面見人。

— 扔樽爆粗肥仔演技精湛﹐獲電影公司邀請飾演小紅衛兵。

— 香港市民注意﹐講粗口已被列入嚴重罪行﹐愛字頭成員可獲豁免。

— 講粗口都由重案組處理﹐香港不愧為全球最安全城市之一。

— 講粗口都由重案組處理﹐市民亂拋垃圾小心被飛虎隊擊殺。

笑一笑時報﹐逢星期六出版﹐如無意外的話......

原文發表於2013年8月17日

昆布汽水﹐你見過未﹖

我無買﹐實在唔知咩嘢味。

有古怪﹖

聞說呢架Yellow Submarine同神秘學有關﹐係咪呢﹖

天台曬太陽

沙灘當然好﹐不過天台方便。

絕世好劍

我用來做開信刀。

隱世廚神的德國咸豬手

兩個字﹕一流﹗

鐵人28

笑一笑時報 (13)

出版人﹕我
編輯﹕都係我
記者﹕一樣係我

— 什麼是政治活動﹖警方說是就是﹐警方說不是就不是﹐最重要係﹐警方可以同時說是和不是。(咦﹐呢位市民﹐好似唔多同意噃﹐人嚟﹐拿下﹐而家懷疑你搶槍。)

— 熱烈恭賀香港家長聯會成功爭取幾千人站出來支持林老師﹗請其他合法或不合法社團繼續努力喚醒沈默的人﹗

— 白頭佬號召十萬人聯署反對佔領中環﹐目的係想曲線證明有至少六百九十萬人支持佔領。

— 傳理系新課題﹕色情電影截圖能否用作新聞照片﹖

笑一笑時報﹐逢星期六出版﹐如無意外的話......

原文發表於2013年8月10日

好多鷹呀

起碼三十隻﹐不過我影唔晒。

自拍

其實我是想影件t-shirt

Beautiful Hong Kong

KIRIN BEER

春天特別版(看看罐上的櫻花﹐日本仔的美術真係得)

多謝手信﹗

from Canada

笑一笑時報 (12)

出版人﹕我
編輯﹕都係我
記者﹕一樣係我

— 淋糞清白(?)﹐廉署惹嫌。

— 淋糞辭職﹐今後打算放多點時間在自己真正的興趣 — 炒樓。

— 文革式批鬥在香港出現﹐嚇怕唔少在港大陸投資者。

— 警方請求愛字頭社團﹐下次有所行動﹐表面上俾番幾分薄面﹐唔好對警察又打又鬧又叫食屎﹐多謝配合﹐幸甚﹐幸甚。

笑一笑時報﹐逢星期六出版﹐如無意外的話......

原文發表於2013年8月3日

包裝

我其實唔太喜歡日本啤酒﹐不過就好喜歡日本啤酒的包裝。

尋找最正的可樂 之 呢罐完全唔掂囉

味道似力保健﹐多過可樂囉。

觀影感想 21 - 25

新年看的四套戲

(觀影感想 二十一)

新年假期好節目之一就係煲碟(話時話﹐越來越少地方有碟租)﹐以下係四套我新年時看的戲。

《ABRAHAM LINCOLN VAMPIRE HUNTER》
— 無厘頭程度同《鐵拳無敵孫中山》有得fight。加吸血鬼無非為咗製造動作場面。其實就算攞走吸血鬼呢個元素﹐一樣可以係一齣B級娛樂片。

《CONTRABAND》 

— 平平無奇﹐穩穩陣陣﹐製作認真(荷里活製作通常都認真啦﹐所以呢個好難count做優點)。題外話﹐個人喜好﹐我好鐘意睇Mark Wahlberg。

《DRIVE》 

— 據說電影甚獲好評﹐仲攞過什麼什麼獎。睇完﹐真係咁好﹖我懷疑。我只係覺得導演用咗

一個另類啲嘅手法拍一套犯罪電影。另類啲﹐當然﹐不代表就係好。

《PROMETHEUS》 

— Ridley Scott﹐巨匠無疑﹐大師算不算呢﹖

成件事﹐好夢幻囉

(觀影感想 二十二)

首先﹐我好難相信美國會喺一夜之間俾別國佔領。(美國喺一夜之間佔領別國就有。)

其次﹐我更難相信幾個年青人可以喺短時間內訓練成游擊隊隊員。

就算訓練到﹐可以對付成村正規軍﹖

都說電影業是夢工場﹐成齣《RED DAWN》﹐好夢幻囉......

好美國政府宣傳片囉......

一路fast forward﹐後來索性唔睇

(觀影感想 二十三)

《一路向西》本原著小說我有睇﹐仲覺得幾好睇添。

套戲就真係......真係一分鐘都頂唔順。

男主角果種生硬呢﹐真係佢講句對白都令我想界凳。(套戲係咪想證明港產片真係唔要求「演員」有演技呢﹖)

fast forward﹐再fast forward﹐又再fast forward﹐都係算吧啦﹐放棄喇﹐唔睇喇。

呢套戲係連啲情慾場面都吸引唔到我囉。

竟然得一間戲院上

(觀影感想 二十四)

全個香港竟然得一間戲院上《OUTRAGE BEYOND》﹐仲要場數唔多。

 北野武﹐好冷門咩﹖

不過都實在唔係咩奇事﹐因為如果你留意到的話﹐就連Woody Allen嘅戲都未必喺香港有得上。

呢個城市﹐口味其實好單一......

3D電影好喺邊﹖

(觀影感想 二十五)

有啲戲我本來想睇﹐但係見到上3D版本﹐我寧願唔睇。

如果真係真係好想睇﹐我唯有特登搵間上2D版本嘅戲院睇。

所以﹐對我來說﹐3D電影好在可以減低我入場意欲﹐年終慳番唔少錢。

(題外話﹕Pixar嘅電影﹐再搞3D﹐都可算係一件極之多鬼餘嘅事。說到這裡﹐你大概會估到﹐我還未看《MONSTER UNIVERSITY》吧﹖)

Woody

BB高達

係﹐我真係好鐘意Spiderman

型﹗

笑一笑時報 (11)

出版人﹕我
編輯﹕都係我
記者﹕一樣係我

— 有雞助估值三百億以上﹐KFC考慮套餐加價至一千億。

— 謬波囤地﹐眼光準繩﹐商業觸覺一流﹐足證擔任發展局長一職勝任有餘。

— 自己個仔當然係自己個老婆的家人﹐但自己老婆的家人未必係自己個仔﹐自己老婆的家人可以係別人個仔﹐別人個仔可能係自己阿爺的家人﹐自己個女或者係別人的叔公的外孫的老婆﹐唉﹐好複雜﹐總之﹐結論係﹕謬波無隱瞞什麼﹐誠信無問題﹐當然毋須落台﹐你班友咪X咁多事﹗

— 廢人新標準﹕年過40﹐無物業。(侯某人話嘅﹗唔順呀﹖攞啲地掟死你﹗)

原文發表於2013年7月27日

漏了這一幅

太古城LEGO展

only in 歷山大廈 STARBUCKS

價錢貴一截﹐不過唔覺得值。

快d去太古城啦﹗

呢度只係一部分﹗

時代廣場高達大戰