臭雞蛋

知我者﹐知我乃百份百擁港派﹔擁得義無反顧﹐擁得近乎盲目。

係“近乎”﹐重未係“完全”﹐ 所以我還不至於凡是香港的都讚好﹐例如呢套<翡翠明珠>。

星期日晚﹐逛街﹐舉頭看見兩大幅電影海報﹐<INCEPTION>和<翡翠明珠>。

人哋都已經<INCEPTION>﹐你重喺度<翡翠明珠>。人哋個故事意念﹐製作技術﹐台前幕後﹐乜都高你幾皮﹔你重喺度土法煉鋼搞埋啲古裝反智胡鬧劇。真係唔好再整呢啲貨色出嚟啦﹐拜託。

香港文化曾經係好強勢﹐港產片肯定係其中一個助力﹐而家……唉。

講到呢度﹐我要申報﹐其實我兩套戲都未睇(一套會睇﹐一套唔打算睇)。或者有人會話﹕“你唔睇﹐點知<翡翠明珠>係垃圾﹖”

台灣作家李敖有段話﹐我很喜歡。有人問他不看某些書﹐怎麼知道它們是爛的﹖

李敖說﹕“一個臭雞蛋﹐一聞就知道了﹐難道要吃完才知道它臭嗎﹖”

我係影迷﹐睇得多自然有啲觸角﹐好鬼難解釋。總之﹐呢套<翡翠明珠>咪搞我。

原文發表於2010年8月2日