一些想法

以下是我的一些關於投資的零零碎碎的想法﹕

– 賺一蚊都係賺﹔蝕一百萬就係蝕。純粹睇數字﹐賺得少都叻過蝕得甘。

– 永遠記著﹐自己的投資自己決定。輸了錢﹐沒有人會俾返你。所以要慎重。沒有太慎重﹐只有太輕率。

– 行騎樓底戴安全帽。可能會俾人笑﹐由他吧﹐最緊要贏的是一個last laugh。

– 有人說﹐太穩陣﹐賺不了大錢。未必。而且﹐發達是必然的嗎﹖只要不發毛我就很心足了。

– 面子不重要﹐銀紙才重要。做錯決定時﹐坦白承認﹐有什麼可恥﹖

– 如果是因為面子﹐如果是偏要證明自己眼光準﹐而不肯沽掉賠本的股票﹐最贛居。機會成本都蝕死你。

– 投資股票很高風險嗎﹖你以為現金沒有風險﹖朋友﹐你對世界的認識太少﹐你身處的環境太和平了。都好﹐你幸福。

– 低息就係投資嘅理由﹖講嘅都白痴。

– 幾多人投資係想保持購買力﹐最終保持唔到不特止﹐購買力重少過揸現金﹖

– 如果小投資者無能力選股﹐告訴我﹐他為什麼有能力選基金﹖

– 傳媒總喜歡stereotype﹐逢散戶就稱羊生羊太。乜嘢居心呢﹖我認識很多精明的散戶。

講住咁多先﹐遲啲再傾過。

原文發表於2010年2月10日